"Oh, gising ka na pala, kamusta na ang pakiramdam mo?" ani ng nakakabatang kapatid na babae nang makita ang ate nitong pababa ng hagdan.
Kunot ang noo ng dalaga at animo'y nahihilo pa. "Ewan ko, hindi pa rin maganda ang pakiramdam ko. Ang sakit pa ng sikmura ko, nagugutom ako. May makakain na ba d'yan?"
"Hmm? Hindi ka ba kumain kagabi?" tugon ng nakakabata at kinuha nito ang ginawang muffins sa ref. "Magluluto pa lang ako ng agahan, ito muna ang kainin mo. Gusto mong ipagtimpla kita ng kape?"
"Thank you," ani ng ate at nginitian ang kapatid. "Ewan ko ba kung bakit nagugutom na naman ako. Kaninang madaling araw ay nagising din ako dahil sa gutom. Hayyy... baka tumaba ako nito."
Ngumuso naman ang kapatid niya, "Ayos lang yan ate, para di ka na magustuhan ng mokong na piling gwapo na 'yon
