"Via?" gulat na sambit ni Amanda nang makita ang pamangkin sa kanilang bahay. Buong akala kasi nito ay walang tao doon. "Hindi ka ba umalis?"
Hindi naman nag-abalang tignan ni Via ang tiyahin. Nakaharap ito sa salamin, suot ang pulang hapit na sleeveless at maiksing short. Sinusuklay niya ang kaniyang maalong buhok at sinisipat kung gaano siya kaakit-akit.
"Hindi tiya, nais ko munang magpahinga ngayong araw," tugon niya bago tigilan ang pagsusuklay. "Pero bukas ng umaga ay may lakad ako. May titignan akong condo unit sa may Central."
Nangunot naman ang noo ni Amanda, "Condo? Bibili ka ng unit sa condo?"
Tumikom sandali ang bibig ni Via at huminga ito ng malalim, "Hindi tiya. Rerentahan ko lang. Kalahating taon lang ang mayroon ako dito, kailangan ko ding bumalik agad ng Paris pagkatapo
