TAURUS
NATAPOS ANG BREAKDOWN ni Aqua ay hindi ko na siya pinilit na sabihin sa akin ang problema niya. Alam kong mabigat ang dinadala niya kaya nahihirapan siyang sabihin ito sa kahit na sino. Iintindihin ko na lang siya at iyon lang din naman ang magagawa ko sa ngayon.
Nasa kuwarto na ako at nagpapahinga. Kakatapos lang namin mag-usap ni Rius. Kinakamusta niya lang sa akin si Aqua. Alam niya kasing may lagnat ito kaya hindi siya mapakali roon sa kanila. Gusto man niya itong puntahan dito sa bahay, pero nahihiya siya. Dahil sa pakiramdam niya, pinagtaksilan niya ito simula nang may nangyari sa kanila kagabi ng hindi kilalang babae sa bar.
Bumuntonghininga na lang ako. Alam kong ako ang nagpupumilit kay Rius na pumunta siya roon para makalimot. Kung hindi dahil sa akin, hindi iyon mang
