NAGTAKA SI TRISTAN sa reaksyon nina Carissa at Fred nang makita ang isa't isa lalo pa at tinawag ng una na kuya ito. Inisip na baka kapatid nito ang kasama pero hindi naman Fernandez ang apelyido ng lalaki. Nang magpaalam si Carissa ay agad na inusisa si Fred kung bakit nito kilala ang babae.
Hindi pa man siya nakapagsasalita ay nauna na si Fred. "Tell me bro, mukhang tinamaan ka kay Carrie ah. Kayo na ba talaga?" Diga nito. Napakunot noo siya dahil hindi alam ang sinasabi nito.
"Hey, don't tell me hindi mo siya nakilala. She's the girl..." turan nito at doon ay napagtanto. Si Carrie at si Carissa ay iisa. Siya ang babaeng nakasama niya sa isang gabi.
Nang makita ang reaksyon niya ay tila natigilan ito. "Base sa reaksyon mo hindi mo kilalang siya iyong best friend ng younger sister ko."
