PRINCESS SIANA
“Masigla ka ngayon, princess.”
Natigilan ako sa pagkain nang masigla at napabaling ang atensiyon kay Sharina, siya iyong kaedaran ko lang na kapalitan ni Sonia. May tatlong araw kasi sa isang buwan na umaalis si Sonia patungo sa kanilang bahay para pagsilbihan ang umampon sa kanyang isang babaylan, pero sabi sa ‘kin ni Sonia ay wala naman itong naituro sa kanya.
Nginitian ko siya, “Masigla naman ako palagi.”
Nangiti siya nang husto, “Hindi man kita palaging nababantayan, nakikita naman kita sa malayo. Bibihira ang pagkakataon na sobrang saya mo bago pumasok sa eskuwelahan.”
Natigilan ako at ilang saglit lang ay nangiti. Akala ko ay magaling akong magtago ng sikreto, hindi ko akalain na may nakakapansin pala sa ‘kin tuwing mapipilitan akong pumasok. Sa likod kasi nit
