Hindi ko inakala na ang lalaking nakausap ko kanina ay siya rin pala ang may-ari ng coffee shop.
Pagmamay-ari niya ang mga painting na nasa coffee shop na talagang humatak sa akin para puntahan iyon at mahawakan.
Para akong nahihipnotismo at tinatawag ako ng mga larawang iyon.
Pamilyar sa akin ang lugar at pakiramdam ko ay parang totoo ang mga iyon.
Sa ganda ng mga iginuhit niya. Siguro iisipin ng iba na iyon ay kathang isip lamang.
Wala na sigurong naniniwala na may ganoon kagandang lugar.
Pero iba ang nararamdaman ko, ang paraisong lugar na iyon ay parang napuntahan ko na.
Siguro nangyari ito sa aking panaginip kaya sa huli ay pinagsawalang bahala ko na lang.
Hindi ko rin akalain na tanggapin kami kaagad ni Hydee kahit na hindi pa naman kumpleto ang mga requirements namin.
