Hindi ko alam kung bakit pinag-aaralan ko ang lahat ng meron sa mukha niya.
May kakayahan siya na pagtigiilin ang buong mundo ko.
Napapatulala ako at alam kong nakakahiya itong ginawa ko.
Halos hindi ko magawang ikurap ang aking mga mata dahil sa kakatingin sa kaniya.
Sinusuri ko ang itsura niya ngayon at kung may higit pa sa salitang gwapo ay siya na iyon.
Ang kinis kasi ng mukha niya at wala man lang akong makitang pores sa kaniyang balat.
Walang kahit isang pimples at sobrang hot niyang tingnan sa kaniyang suot.
Halatang galing siya sa syudad dahil sa estilo ng kaniyang pananamit.
Hindi ko nga lubos akalain na makakakita ako ng lalaking magpapamaang ng mga bibig ko.
Makalaglag panga ang kagwapohan niya at ngayon nga ay naniniwala na ako sa sinabi sa akin ng pinsan ko.
