Pagdating ng hapon ay natigil ang pag-uusap namin ni Shawn ng may humintong traysikel sa tapat ng aming bahay.
Kahit hindi ako tumayo sa aking kinauupuan ngayon para silipin kung sino ang dumating alam ko na kung sino ang dumating.
At ang inaalala ko ngayon ay hindi ko pa napaghahandaan ang ipapaliwanag ko sa aking ina.
Medyo nakaramdam ako ng kaba dahil pinangungunahan ako ng takot na baka magalit si Nanay.
Ayos lang naman kung babae sana ang dinala namin.
Kaso lalaki si Shawn at ito pa lang ang unang beses na may dinala kami ni Hydee na lalaki sa aming tahanan.
Ayaw naming pag-isipan kami ng masama ng ina. Baka mabigo namin siya ni Hydee at iisipin na baka kung ano-ano na itong ginagawa namin kapag wala siya.
Pagpasok pa lang ni Nanay sa bahay ay nagtaka siya nang makita niyan
