Ang habilin sa akin ni padre Bonifacio kahapon ay huwag kong sasabihin ang lagay ng binti niya kina mother said. Pero paano kung bigla na lang naimpeksiyon ang sugat niya? Baka ako pa ang mapagalitan ni mother superior kapag nagkataon.
"Sasabihin ko ba o hindi?" tanong ko sa aking sarili habang nakatingin sa mga damo.
"Sister Blessy, sino pong kausap niyo?"
Gulat akong napalingon sa pinanggalingan ng boses. Si Nicole lang pala. "Kanina ka pa ba diyan?"
"Hindi naman po. Nakita lang po kitang kinakausap ang mga damo."
Sa dami ng makikita niyang mabuti kong ginagawa ay ang pakikipag-usap ko pa sa damo ang nakita niya. "May iniisip lang ako."
"Kausap mo po ang sarili mo?"
Masyadong matanong talaga ang batang ito. Hinaplos ko ang buhok niya at napapangiti sa naging obserbasiyon niya s
