Nakatingin si Vaun sa mga mata ni Blessy. Hindi niya alam kung kinakabahan siya dahil sa magiging reaksiyon ng dalaga sa kaniyang rebelasiyon. Nagtatakha rin siya sa sarili kung bakit niya kailangan kabahan, samantalang dapat ay cool lang siya sa nangyayari.
Hinila ni Blessy ang kan'yang kamay mula sa nagpapanggap na pari. Inboluntaryong kinagat ng dalaga ang kaniyang ibabang labi at ipinilig ang ulo sa kabilang direksiyon. Nanghihina siya dahil sa nakita niyang katauhan ni padre Bonifacio, o mas tamang sabihin na Vaun. Nagtataas-baba na ang kaniyang dibdib dahil sa kabang nararamdaman. May hawak pa rin kasing baril si Vaun at marahang nakatingin sa kaniya.
"Blessy, patawarin mo sana kami---"
"Ano ang totoo mong pangalan?" Pagpuputol ni Blessy sa sasabihin ng sakristan. Tinignan niya
