NAGING mabilis ang takbo ng mga araw.
Katulad ng gustong mangyari ni Jake ay kinuha nito si Aling Nida na nakasama niya sa bahay tuwing wala ito o kaya ay si Myla. At gawa na rin ng sitwasyon niyang iyon ay napilitan siyang umalis na sa ospital ng tuluyan.
Makalipas ang mahigit tatlong buwan ay natapos ang renovation ng bahay ni Jake. Napakaganda niyon dahil sa mahusay na pagkakagawa bukod pa sa katotohanan na na-restore iyon ng maayos ng kumontrata.
Sa housewarming ay ang restaurant ni Portia ang kinuhang caterer ni Jake. At dahil sa pagiging malapit na magkaibigan nila ni Jake ay invited siya at si Myla. Ganoon rin ang iba pang mga kasamang doktor at nurse ng binata sa ospital.
“Akala ko hindi na ako makatitikim ng leche flan na gawa nitong si Manica,” si Dr. Gavino iyon ang may-ar
