HINDI kaagad nakapagsalita si Tina sa sinabi niyang iyon kaya muling nagbuka ng kanyang bibig si Conrad para ipagpatuloy ang iba pa niyang gustong sabihin.
“Hindi ko alam kung anong nagyari sa akin kanina, Ma. Ang totoo nasa mall ako at wala sa plano ko ang magpunta sa department store. Pero doon pa rin ako dinala ng mga paa ko. Hanggang sa natagpuan ko nalang ang sarili ko sa infant section. And that was where I saw her,” aniyang napangiti pa nang magbalik sa kanya isipan kung gaano naging kaganda sa kanyang paningin si Monica nang mga sandaling iyon.
Pakiramdam niya parang katulad iyon noong unang beses niyang nasilayan ang mukha nito.
At pakiramdam din niya ay biglang nagbalik sa kanyang alaala ang lahat ng masasayang sandali na pinagsamahan nila.
Nang makita niya si Monica kanina
