MAAGANG nagising si Jake kinabukasan.
Nakatulong ang ininom niyang chamomile tea pero kahit papaano ay nababahala at worried pa rin siya sa lahat ng inamin sa kanya ni Monica kagabi. Hindi tuloy niya mapigilan ang sarili niyang matakot.
Hindi naman dahil sa wala siyang tiwala kay Monica.
Alam naman niyang mahal na mahal siya nito at nararamdaman niya iyon. Wala siyang tiwala kay Conrad. At kung ganoon ang ginagawa nito na parang nagpapahiwatig na gusto nitong ayusin ang pamilya nito kasama si Monica, alam niyang magkakaroon sila ng hindi birong pagsubok ng kanyang nobya.
Bumangon si Jake magsepilyo at maghilamos. Pagkatapos noon ay bumaba na siya para ipaghanda ng agahan ang kanyang sarili. Wala kasi si Mang Kanor para ipagluto siya.
Kahapon pa umalis ang matanda at nagpaalam sa kan
