“PERO mukhang hindi yata maganda iyong ginawa ko. Ni hindi niya nahawakan itong anak niya,” sa puntong iyon ay totoong nakaramdam ng guilt si Monica.
Titinigan siya ng may pang-unawa ng kaibigan niya. “Although may karapatan naman talaga siya sa anak niya, hindi rin kita masisisi kung bakit mo nagawang umasta ng ganoon. Pinabayaan ka naman kasi talaga ni Conrad. Hinamak at pinagsalitaan ng kung anu-ano na kahit yata ang aso hindi makakain. Pero siguro pwede kang bumawi sa susunod. Kapag kaya mo na siyang harapin. Kasi hindi mo naman talaga maipagkakait sa kanya ang bata, lalo at anak niya iyan,” paliwanag sa kanya ni Myla.
Noon walang mahagilap na kahit anong pwedeng sabihin si Monica kaya minabuti niyang manahimik nalang. Pero sa puso niya ay hindi pa rin niya maiwaglit ang gwapong mukh
