“OKAY ka lang ba Jake? Kasi napansin ko mula kaninang pagkagaling natin dun kina Ma’am Cecil eh hindi kana masyadong nagsasalita,” puna niya kay Jake nang nasa byahe na sila patungo ng ospital.
Nilingon siya ni Jake saka pilit na nginitian.
“Okay lang ako, huwag kang mag-alala. Oo nga pala, si Aling Nida, matagal na ba siyang kasama ni Tita Cecil?” tanong ng binata sa kanya.
“Medyo, kasi nagsimula ko lang siyang makita diyan sa bahay ni Ma’am Cecil mula nung mag-America si Ate Portia,” sagot niya saka hindi napigilan ang kasiyahan na humalo sa kanyang tinig nang mabanggit niya ang huling pangalan na kanyang sinabi.
“You are obviously very happy,” komento pa sa kanya ni Jake nang marahil mapansin nito ang kasiyahan sa kanyang tono.
Napahagikhik si Monica sa sinabing iyon ng binata. “M
