“PAANO kaya ang magandang gawin?” tanong niya kay Myla makalipas ang ilang sandali.
Noon naupo ang kaibigan niya sa kanyang tabi.
“Sa tingin ko naman eh mauunawaan ni Jake ang tungkol doon. Pero para fair, ikaw nalang ang sumagot ng binyag. Gawin mong simple lang. At kung ganyan rin lang na parang gaya nga ng sinabi mo eh gusto niyang maging maayos kayo, para siguro walang maging problema eh pareho mo silang imbitahan,” suhestiyon pa ni Myla.
Sandaling nag-isip si Monica sa lahat ng sinabing iyon ng matalik niyang kaibigan.
Kung tutuusin ay tama naman ito.
Wala siyang magagawa dahil si Conrad ang ama ng anak niya. At higit kanino mang lalaki ay ito ang pinaka mas may karapatan kay Althea. Kaya siguro kahit kaunti ay kailangan munang humakbang paatras ni Jake.
“Okay, sa tingin ko na
