Saab’s POV
Hindi ko pinansin ang pagtunog ng telepono ko habang naglalakad ako pauwi sa apartment ko. Ayoko kayang maglabas ng cellphone dito at baka manakaw pa. Kung bakit kasi hindi ko naisip na papasukin na lang sa street ang taxi na nasakyan ko but well, andito na kaya tiyagain ko na lang maglakad.
Malayo pa lang ako ay tanaw ko na ang pulutong ng mga tambay sa tindahan ni Mang Buddy. In my three days stay here, mukhang mababait naman ang mga nandito. Wala naman nambabastos sa akin bukod tanging ang Freddy Krueger lang na iyon. Naipagpasalamat ko na wala si Freddy sa umpok ng mga nakatambay pero nakita kong lahat sila nakatingin sa akin. Hindi ko na lang pinansin.
Pagpasok ko sa apartment ko ay ibinagsak ko agad ang katawan ko sa sofa bed na naroon. Gutom na ako dahil hindi a
