Freddy’s POV
“Tinuturuan mo pa akong magsinungaling,” sabi ni nanay sa akin ng maisara niya ang pinto.
Doon na ako lumabas mula sa kusina at sinamahan si nanay sa sala. Ngayon na lang kasi ulit ako nadalaw kay nanay magmula ng umalis ako dito isang buwan na nakakaraan. Magmula ng magkaroon kami ng komprontasyon ni Sabina.
“Sino naman ang naglilinis ng condo mo?” tanong pa ni nanay sa akin habang inihahain ang ibinigay na cake ni Saab sa kanya.
“Meron hong cleaning lady na nagpupunta doon every week para maglinis at maglaba ng mga damit ko,” sagot ko sa kanya. Matagal ko ng nabili ang property ko na iyon pero mas pinili kong tumira dito kasama si nanay.
Nakita kong huminto si nanay at tumitig sa akin.
“Freddy, bakit kasi hindi mo na lang kausapin si Saab. Nakikita ko naman na para
