Chapter 18
DANICA
Pagdating sa sasakyan ay nakabusangot na si Alp na nakatayo sa pintuan ng sasakyan nito. Pinagbuksan niya ako ng pinto.
Pumasok naman ako at hindi umimik. Si Julie at Mark ay nasa likuran namin nakapuwesto nasa front seat kasi ako.
Pagpasok ni Alp sa kotse niya ay pinaandar niya na ang makina at pinatakbo na ito.
"Bakit ang tagal mo?" tanong nito nang makalabas na ang sasakyan sa gate. Isinara naman iyon ni Ate Agnes.
"E 'di, sana nauna ka kung nainip ka sa paghintay sa akin," pagtataray ko naman sa kaniya.
''Ano pa ba ang pinag-usapan niyo ni Mommy?'' kunot-noo niitong tanong sa akin.
''Sa amin na iyon, bakit ba ang dami mong tanong?'' naoinis kong sagot sa kaniya.
''Hindi naman sa gano'n Darling, pero kailan mo gusto na magpakasal tayo, hmm?'' tanong niya sa ak
