PAGSAPIT NG GABI nagkayayahan ang mga lalaki na uminom. Sinagot ni Joel at Steven ang alak na kanilang iinumin, samantalang nag-ambag naman si Jake at Michael ng pulutan nila.
Hawak ni Steven ang perang pambili ng kanilng kailangan. At handa na sanang umalis nang mayroon siyang naaalala, mabilis nilapitan si Dante.
“P’re, saan ang ambag mo?” tanong ni Steven rito. Inilahad pa nito ang kamay na hawak na pera.
Dumukot si Dante sa bulsa ng pantalon. “Heto bente pesos. Pambili ng yelo.”
Napamura ng mahina si Steven. Saka ibinalik ang bente sa kamay ni Dante.
“Sa ’yo na lang ’yang bente pesos mo. Kahit yelo hindi makabili ’yan. Kuwento na lang ang iambag mo, maganda pa!” nakangising pahayag ni Steven kay Dante. Saka niya ito tinalikuran at lumabas ng barracks. Kasunod si Jake.
“Hoy,
