Elizabeth Cruz's POV
Nanlaki ang mga mata ko sa ginawa nya at napakapit sa suot nya. Ang una kong naisip ng sandaling iyon ay ang maraming tao sa paligid namin na maaaring sa mga sandaling ito ay kinukuhanan na kami ng litrato. Pangalawa ay ang mga kasamahan ko sa kumpanya. Hindi pa nga ako nakakabawi ay ito na naman ang isang eskandalo!
Ngunit nang magsimulang gumalaw ang mga labi nya ay tila inaantok na napapikit ang mga mata ko at ang orihinal na balak na pagtulak sa kanya ay hindi natuloy. Ang mga taong nakapaligid sa amin ay nakalimutan at ang importante lamang ng mga sandaling iyon ay kaming dalawa. Itong sandaling ito. Itong sandaling ipinapadama at ipinapakita namin sa aming sarili ang bugso ng damdamin.
Alam ko. Alam ko naman na kaya nya ako hinalikan ay dahil nagselos lang s
