Hatred
ANGELINE
“Hindi mo talaga kilala?” tanong ni Christine sa akin nang umandar na ang pinara naming taxi. Ayaw pa sana kaming isakay dahil malapit na ang hotel at lugi raw siya pero nang mag-abot ako ng isanglibo ay mabilis pa sa alas-kwatro niya kaming pinasakay.
Binalingan ko si Christine. “Hindi,” pilit ang ngiting sagot ko sa kanya at muling ibinaling ang tingin sa labas.
Mukhang nakahalata na rin naman siyang hindi na maganda ang mood ko kaya hindi na siya nagsalita pa. Pinakatitigan ko ang diecast ng anak ko at inilagay iyon sa bag ko. Mabuti’y nagkasya pa iyon.
Gusto kong kastiguhin ang sarili ko sa mga nasabi ko kanina. Bakit ko kailangang sabihin sa kanya ang edad ni Chase, at bakit ko kailangang baguhin ‘yon?
Ano bang iniisip ko?
Na kapag nalaman niyang anim na ta
