“Hindi ka pa pwedeng mangabayo, Leigh. Bilin iyan ng iyong ina!” nakukunsimisyong sabi ng kasambahay namin noong nakiusap ako sa tauhan na sasakyan ko ang isa sa mga kabayo.
Sa pagkakataong iyon ay hindi pa ako nakakapag-enroll sa summer class. Wala na rin kasi akong maisip dahil parang halos lahat ay nasubukan ko na at isa pa ay narito naman sina Kuya Shilloh kaya kahit papaano ay nabawasan ang pagkaburyo ko lalo na noong magkaroon ako ng mga kaibigang babae dahil sa kanila.
“Pero marunong na ako. Tinuruan ako nina Kuya Shilloh,” pilit ko.
“Pero hindi pwede, Leigh. Baka atakihin pa si Ma’am Katrina kapag nalaman niya iyan!”
Humalukipkip ako habang tinatapunan ng tingin ang mga kabayo sa kuwadro. “Come on, Manang! Paano aatakihin si Mommy kung hindi niya naman malalaman? Ngayon lan
