Hindi ko alam kung ano ang mararamdaman ko noong masaksihan mismo ng mga mata ko ang paglapat ng labi ni Heloise sa pisngi ni Reigan. Dampi lang naman iyon pero grabe pa rin ang naging tama nito sa ‘kin.
Hindi ko mapigilang sulyapan si Reigan at tingnan ang kaniyang ekspresyon. Parang wala lang naman iyon sa kaniya. Ni hindi siya ngumiti o pinamulahan, pero si Heloise ay walang mapaglagyan ang pamumula ng mga pisngi.
Panay rin kasi ang tukso ng mga kaibigan nila lalo na ang mga kasama ni Heloise. Madalas kayang ganito? Tinutukso sila sa isa’t isa? Pero... ano ba ni Reigan si Heloise?
Is she his girlfriend? Someone he’s courting?
Dahil doon, nawala ako sa aking sarili. Ni hindi ko na nga nabati pa si Reigan sa pagkakapanalo niya sa race at para akong biglang nagkasakit. Kahit nagtat
