MABILIS na lumipas ang mga araw at halos hatid sundo na ang ginagawa ni Lester para kay Ira. Baka nga masira na ang kotse nito dahil hindi niya ito madalas magamit kapag pumupunta siya ng set.
Kahapon lang ay galing sila sa Tagaytay para lang magkape at kanina naman ay galing sila sa Mall of Asia para mamasyal hanggang sa may matanggap ito ng text mula sa kaibigan na si Jhoyce. Pagkarating niya doon sa gate ng subdivision na sinabi ni Jhoyce at pansin niya na agad ang pananahimik ng kaibigan nang makasakay sa loob ng sasakyan.
Hindi alam ni Ira kung anong gagawin dahil ngayon niya na lang ulit nakita si Jhoyce na hindi masaya. Ang dami tuloy tumatakbo sa isip niya katulad na lang na baka hindi sila magkaayos ng magulang niya. Nang makapunta sa condo niya at inalalayanan niya naman ang ka
