MAKALIPAS ang tatlong linggo ay agad na rin nagsimula ang event na sinasabi ni Madam Flora. Lahat ng designers ay nandoon. May mga ilang paparazzi at nakatuon sa bawat pagpasok at pagpunta ng mga kilalang tao sa bansa.
Nagsigawan ang mga tao sa loob nang dumating ang isa sa mga sikat na designer. Dahil maayos ang pamamalakad sa event na 'yon ay hindi nagkagulo ang mga tao.
Samantalang hindi naman matukoy ni Ira kung ano ang nararamdaman niya. Ito na ang araw na masusuot niya ang sinasabi ni Madam Flora sa kaniya. Kakayanin niya kaya na dalhin at irampa ito sa maraming tao?
Kung sabagay, simula noong pumasok siya bilang model kay Madam Flora ay sobrang dami niyang natutunan. Simula sa paghahanap ng magandang damit na nababagay sa kaniya at hanggang sa pagiging magaling sa larangan ng pag
