CHAPTER 6
“Advanced happy birthday, Hija,” bati ng mag-asawang de Riva kay Monica, sabay abot sa nabalot na birthday gift.
Nagpa-advanced birthday party na siya dahil luluwas siya sa mismong kaarawan papuntang Hongkong para sa isang business meeting.
Ilan lamang sa mga kamag-anak at kaibigan ang kaniyang inimbita. Ang mahalaga sa kaniya ay dadalo sina Brian at Daphne. Ito na lamang ang huli niyang baraha para mapunta ang pinsan niya sa kaniyang bestfriend.
Hindi sila dapat pumalya ni Drew, kundi pati siya ay malalagot.
Ngumiti siya at saka yumakap sa mag-asawang de Riva.
“Thanks, Tita, Tito.”
Luminga-linga siya nang napansing wala pa ang kaniyang pinsan. Ganoon din si Daphne. Iniisip niyang hindi na tutuloy sa plano si Drew, pero nang makita ang sasakyan ng kaibigan na pumasok mula
