Wala sa mood na naupo si Farrah sa harap ng mesa kung saan naroon ang kaniyang pagkain na kanina pa naghihintay sa kaniya.
"Ms. Farrah, gusto po ba ninyo ipainit ko po uli ang sandwich at kape ninyo?" Malumanay at maingat na tanong ng kasamabay.
Umiling ang dalaga saka kinuha ang bread knife at maging tinidor, "hindi na."
Nang matapos kumain ay hindi na nag-aksaya ng oras ang dalaga. Alam n'yang narito pa sa bahay ang kaniyang ina at ayaw n'ya nang magpang-abot pa sila sa kung saang sulok ng bahay. Minsan na lang din sila magkita rito sa bahay talagang nagtagpo pa.
Bitbit ang kaniyang bag at laptop, habang pababa ng hagdan upang umalis at pumasok sa opisina ay nakita n'ya ang tatlong kasambahay na nagmamadali. Kaya alam n'yang narito pa ang kaniyang ina or ang kaniyang mga magulang
