PAKIRAMDAM ni Zia ay said na said ang lahat ng enerhiya niya sa loob ng isang linggong lumipas.
Sa araw-araw na ginawa ng Diyos, hindi niya lubos maisip kung bakit laging nakakasabay niya si Lucian sa pagpasok sa opisina. Mayroong pagkakataon na pagbaba niya ng sasakyan niya ay siya namang pagdating ng sasakyan nito. Minsan naman, pagdaan niya sa gwardiya upang inspeksyunin ang gamit niya, ay bigla na lamang susulpot ang binata at tila walang anuman na dadaan sa tabi niya. Hindi katulad niya at ng ibang empleyado, hindi ito humihinto upang ipa-inspeksyon ang gamit nito. Tigas ang leeg nito na dere-deretso lamang na lalakad papasok. Parang walang nakita. Walang kakilala. Ilang beses naman na natyetyempuhan na nasa tapat siya ng elevator at naghihintay sa pagbukas niyon. Tatayo din ito sa t
