KATULAD ng napag-kasunduan ay sinundo siya nina Lucero at Mildred sa kanilang mansyon ng alas nueve ng gabi upang sumama sa mga itong mag-bar.
Agad siyang sinalubong ng masayang ngiti ng dalawa, pagkakita pa lamang sa kanya na lumalabas mula sa gate ng mansyon.
Bagaman may bahid pa rin ng pag-aalala, ay bakas ang saya sa mukha ng kanyang kaibigan sa pagpapa-unlak niya na sumama sa mga ito na lumabas.
"Hi, Yana." Nakangising bati sa kanya ni Lucero, pagpasok pa lamang niya sa backseat ng sasakyan nito.
Kimi siyang ngumiti at bumati rin sa lalaki. "Hi."
How ironic. Pinipilit niyang kalimutan si Lucian, ngunit heto at kasama niya ang kakambal nito, na kamukhang-kamukha nito.
Lihim na lamang siyang napa-iling.
Bago pa man buhayin ni Lucero ang sasakyan ay tumunog ang telepono nito. Nang
