LAKAD-TAKBO ang ginawa ni Zia pagkababa pa lamang ng sasakyan niya. Seven fifty-five na. At kung mamalasin at maaantala pa siya ng ilang minuto ay tiyak na late na siya.
"Good morning, Kuya Guard." Iyon na lamang ang tanging nasabi niya sa nakangiting guwardiya, pagdaan niya sa tabi nito.
Kundangan kasi, bukod sa puyat siya, ay hindi tumunog ang alarm clock niya. Mabuti na lamang at nasanay na siya na gumising ng maaga kaya't kusa na siyang nagising, bago mag-alas sais, kanina. Gayon pa man, ay kailangan niya pa ring bilisan ang kilos para umabot sa alas otso niyang pasok.
Kasalanan itong lahat ni Lucian.
Kahit anong pilit niya kahapon ay hindi niya ito napahinuhod na ihatid siya sa spa, kung saan naroon ang mommy niya, katulad ng nauna niyang plano.
Kailangan daw nilang i-celebrate a
