"GOOD MORNING, Babygirl." Malapad ang ngiting bati ni Lucian nang paikutin nito ang kinauupuang swivel chair, paharap kay Zia. Magkadikit ang mga kamay na naka-korteng pyramid sa harap nito, habang ang dalawang siko ay nakapatong sa magkabilang armrest ng swivel chair.
"G-good morning." Hindi naman malaman ni Zia kung ngiti ba, o ngiwi ang gumuhit sa mga labi niya.
Palaisipan pa rin sa kanya kung bakit siya nito ipinatawag sa opisina nito.
Unti-unti namang napalis ang ngiti sa mga labi ni Lucian. Mukhang hindi nagustuhan ang reaksyon niya.
"Why so formal, Baby?" Kapagkuwan ay tanong nito. May iilan nang gatla sa noo. "Come here. Have a seat." Anito pa at iminuwestra ng isang kamay ang visitor's chair sa harapan nito.
Alanganin man, at napapaisip sa totoong pakay ng binata ay wala nama
