"PAANONG nangyari na kasama mo si Lucero dito?" Sita ni Zia kay Mildred nang makakita ng pagkakataon.
Nagpaalam si Kier na saglit na pupunta sa men's room, habang si Lucero naman ay may nakitang kakilala at niyaya itong ipakikilala sa mga kasama nito.
Kanina pa siya kating-kati na komprontahin ito kung bakit si Lucero ang date nito nang gabing iyon.
Not that she care. Alam naman niyang wala siya sa lugar para kuwestiyunin kung sino man nais nitong isama sa gabing iyon. Ang sa kanya lang naman ay sana man lang sinabihan siya nito.
Hindi iyong magugulat na lamang siya na nasa harapan niya na ito.
Alam naman nito ang nakaraan niya sa kapatid nito. Sabagay, hindi naman nito alam kung ano ang nangyari sa kanila ni Lucian.
Oo nga pala, kahit siya ay hindi rin alam iyon.
Hindi niya mapigi
