"LUCIAN, ang lamig!" Ani Zia habang unti-unting lumulubog ang katawan nila sa tubig.
Mahigpit siyang nakayakap sa leeg ng binata habang pangko siya nito papalusong sa malamig na tubig ng karagatan.
Pakiramdam ni Zia ay nanunuot sa kalamanan niya ang lamig.
Nang maghubad ito kanina at sabihing maliligo sila, ang akala niya ay sa shower siya nito dadalhin. Impit pa siyang napatili nang pangkuin siya nito. Kasabay ng panlalaki ng mga mata niya, nang imbes na sa itaas siya dalhin ng binata, ang pintuan palabas ang tinahak nitong ruta.
Tawa ito nang tawa habang tili naman siya nang tili, dahil nilalamig talaga siya.
Nang nasa malalim na parte na sila ng karagatan ay ibinaba siya ni Lucian sa harapan nito ngunit hindi naman binitiwan. Ipinulupot nito ang mga bisig sa baywang niya, habang na
