"HINDI ka naman siguro buntis, no?" Naka-angat ang isang kilay na tanong ni Lucian, na sandali siyang nilingon habang nagmamaneho, matapos niyang subuan ito manggang hilaw, mula sa hawak niyang supot.
Ipinaikot niya ang mga mata bago ito inirapan at saka isinubo naman sa sariling bibig ang isa pang piraso na kakukuha niya pa lang muli sa supot.
Ipinabaon sa kanya iyon ng Mama niya at ibinilin na isubo-subo niya kay Lucian habang nagmamaneho, para hindi umano ito antukin sa biyahe.
Kanina paglabas niya ng University ay si Lucian ang sumundo sa kanya. Nagulat pa siya nang pagdating nila ng mansyon ay naka-empake na ang mga dadalhin niya, para daw sa isang weekend get away, na nauna nang ipagpaalam ng binata sa mga magulang niya. Na siyempre pa, ay malugod namang pinaunlakan ng mga ito.
H
