"GOOD MORNING, Kuya Guard." Masiglang bati ni Zia sa gwardiya, pagdaan niya sa harapan nito nang umagang iyon.
Nangunot ang noo niya nang tahimik na yumukod ang gwardiya, imbes na ngitian siya, at batiin pabalik, katulad ng palagi nitong ginagawa. Inilapag niya pa ang bag niya sa harapan nito, bilang SOP, ngunit hindi na nito chineck iyon, katulad ng nakasanayan, at nang dapat.
Nagtataka man ay hindi na siya kumibo, at nagpatuloy nang maglakad patungo sa elevator. Tahimik siyang lumulan doon nang huminto at bumukas sa harapan niya, kasama ng ibang mga empleyado.
Ramdam na ramdam niya ang pagtitinginan ng mga empleyado sa likuran niya. Hindi man magsalita ang mga ito, ay ramdam niya na may kahulugan ang bawat palitan ng mga ito ng tingin.
Hindi na lamang siya kumibo, at nagkunwang hindi
