MULA pa lang kaninang paggising niya ay magaan na ang pakiramdam ni Zia. Para bang walang anuman, o sino man ang makasisira ng mood niya.
Ang aga niyang gumising.
Excited siyang pumasok sapagkat alam niya na magkikita sila ni Lucian sa opisina. Pati nga ang mama niya ay napansin ang kakaibang sigla niya nang bumaba siya sa komedor para kumain ng almusal. Hindi matawaran ang ngiti sa kanyang mga labi.
Nanunuri ang mga mata at nakataas pa ang isang kilay na sinipat-sipat siya ng mama niya. "Hmm... what's with the smile, anak?"
Itinikom niya ang mga labi at marahang umiling-iling. Gayon pa man, kahit na ano'ng tago niya ay pilit pa ring kumakawala ang kaligayahan sa mga mata niya.
Lalo namang umarko ang kilay ng Donya. At mas pinakatitigan siya.
"Sweetheart, hayaan mo na ang anak mo. At
