"AKALA ko ba, hanggang bukas tayo ng gabi rito?" Maktol ni Zia habang kumakain.
Pagkagising ni Yana ay agad na sinabi ni Lucian dito ang plano niyang pag-alis na sa islang iyon, nang gabi ring iyon.
Hindi niya isasapalaran ang kaligtasan ni Yana, ngayong nasisiguro niyang alam na ng kanyang ama ang tungkol dito. Idagdag pang wala siyang tiwala kay Malia. Maaaring gumawa ito ng bagay na ikapapahamak ni Yana.
At iyon ang pinakahuling nais na mangyari ni Lucian.
"I'm sorry, baby, change of plans." Kaswal na ani Lucian dito. Hindi niya nais na mahalata nito na may ibang dahilan kung bakit kailangan na nilang umalis kaagad sa isla. "Something came up in the office. And I have to be there, first thing in the morning, tomorrow."
"Eh, di bukas na lang tayo ng umaga umalis dito." Nakalabing sa
