"MOM, paano ako nakauwi kagabi?"
Mula sa binabasang peryodiko ay kunot ang noong nag-angat ng tingin ang mommy ni Zia sa kanya.
"What do you mean, paano kang nakauwi?"
Nagbaba siya ng tingin sa sariling plato at wala sa loob na tinusok-tusok ng hawak ng tinidor ang naroong itlog.
"Ang natatandaan ko po, is, nasa restaurant pa ako, sa ladies room, to be exact..." hindi niya na idinetalye kung ano ang nangyari sa ladies room bago siya mawalan ng naaalala. "...then, afterwards, nagising na lang po ako na nasa kwarto ko, na ako at natutulog."
Mahina at naguguluhan pa ring aniya sa ina.
"I don't even know, kung papaano ako nakauwi, at kung papaanong nagising na lang ako na nasa room ko na ako."
Nilinga niya ang ina na kunot pa rin ang noo na nakatingin sa kanya. Ibinaba na nito ang hawak
