KULANG ang salitang pagka-mangha, kung ilalarawan ang nararamdaman ni Zia habang naglalakad sila sa lobby ng condominium, na pinasok nila ni Lucian.
Bawat sulok ng nasabing lugar ay naghuhumiyaw ng karangyaan. Buong buhay niya, alam niyang matatawag na 'mayaman' ang estado nila sa buhay. Alam niya na hindi basta-basta mauubos ang kayamanan ng mga kinalakihan niyang magulang, baka kahit hanggang sa mga apo niya.
Ngunit ang nakikita niya nang mga oras na iyon... hindi lamang basta pang-mayaman ang lugar na iyon.
Higit pa roon.
Tila ba iyon tirahan ng mga dugong-bughaw. Ng mga hari at reyna.
Kumikinang sa kulay ginto ang buong paligid. Kahit saan ka tumingin ay malulula ka sa estimasyon ng halaga ng lahat ng makikita mo.
Kahit ang mga tao ay mukhang mamahalin. Pwede pala 'yon. Iyong pat
