HALOS mapuno ng ilang paper bags ang likuran ng kotse dahil sa ilang pinamili niyang gamit para kay Knox. May laruan, ilang damit at iba pa.
Napasulyap siya kay Knox na kasalukuyang katabi niya. Nasa front seat ito nakaupo habang nakatulog. Ang totoo, excited na siyang umuwi para ipakilala ito kay Marie.
Tumunog ang kanyang cellphone. Si Kervy ang nasa kabilang linya. "Yes?"
Ibinalik niya ang atensyon sa kalsada. Nag-aalala siya at baka naghintay sa kanya si Marie. Hindi pa naman ito sanay na walang bed time stories.
"Okay na ang labi ng mag-asawa. Nasa bahay na ako, nagtatampo na sa'yo si Marie. It's nine o' clock in the evening at wala pa rin kayo ni Knox."
"Hindi mo ba ipinaliwanag kay Marie?" Mababakas ang inis sa kanyang boses.
"Sinubukan ko pero ayaw niyang makinig. Nagkukulon
