Pinalabas na ang commercial namin ni Denillo. Sa tuwing nakikita ko iyon ay hindi ko maiwasan ang pagngiti. Hindi pa rin ako makapaniwala na sasabak ako sa ganitong experience.
Kaya pala hiningi ni Denillo noong nakaraan ang aking bank account number ay padadalhan pala ako ng sahod muna sa commercial na iyon. Hindi ko na sana tatanggapin kaso ayaw pumayag ni Denillo. Alam niyang nakahiwalay ako sa mga magulang ko kaya kailangan ko raw ng pera.
Masyadong malaki ang ibinigay nila sa akin sa lakas ng impact daw ng commercial. Naniniwala sila na malaki ang naging contribution ko roon kaya naman nag-trending nang husto si Denillo. Hanggang ngayon ay siya pa rin ang pinag-uusapan.
"Ang dami mong followers sa totoo mong pangalan, Mori!" sigaw ni Zenaia habang mabilis na tumatakbo papunta sa ak
