Nakatingin lang ako kila Charlie, Rinniel at iba pa nilang mga kaibigan. Magkakasama sila ngayon, parang mayroong bonding na nagaganap. Si Zenaia ay piniling hindi sumama para hindi ako maiwan na mag-isa.
Pinili namin na sa labas ng library maggawa ng mga kailangan namin. Hindi ko naman alam na dito sila tatambay. Alangan na kami pa ang umalis ni Zenaia, baka makahalata pa si Rinniel na umiiwas ako sa kanya.
"Huy! Akala ko ba magta-type tayo para sa thesis natin? Bakit ka nakatulala?" puna sa akin ni Zenaia.
Napanguso na lang ako nang napatingin ako sa kanya. Halatang inaasar na naman niya ako gamit ang mga ngiti niya. Alam na rin niya na hindi ako mapakali kapag malapit si Rinniel sa akin.
"Sorry na," natatawang sabi ko.
"Ayoko rin naman sumama sa kanila. Buti pa sila ay maraming tim
