Naghihintay si Chanel ng sagot kay Rinniel. Hindi siya uuwi hanggang hindi sinasabi sa kanya ang kaninang gustong sabihin ni Rinniel.
Umupo siya sa sofa at humalikipkip habang nakatingin nang seryoso sa kasama.
Napahinga nang malalim si Rinniel. Nabigla lang siya sa pagbulong na may sasabihin kay Chanel. Ngayon ay nahihirapan na siyang aminin kung ano iyon. Napatingin ulit siya sa mga mata ni Chanel at hindi na niya maialis ito.
Lumapit siya rito para madali niyang mahawakan ang pisngi nito. Pinikit niya ang kanyang mga mata at napaupo na rin sa tabi ni Chanel.
Kabadong-kabado si Chanel habang naghihintay kay Rinniel. Naramdaman na lang niya ang mahigpit na yakap nito kaya wala siyang nagawa kung hindi ang yumakap din.
Maya-maya ay iniharap na siya ni Rinniel sa kanya. Seryoso ang tin
