Chanel Morissette's POV
Dalawang araw na ang nakalipas na araw mula nang magkaaminan kami ni Rinniel. Hindi na talaga ito panaginip, wala nang atrasan.
Tumingin sa akin nang makahulugan si Charlie kaya napataas ang kilay ko. Nasa hapagkainan kami ngayon at nagdi-discuss sa program na magaganap sa birthday namin. Hindi ako nagdadagdag ng input, wala rin namang masusunod sa gusto ko.
Humikab ako sa sobrang antok. Mula nang araw na iyon ay hindi na ako masyadong makatulog. Sino ba naman ang makakalma kung ang gusto ko ay may gusto rin sa akin?
Pagkatapos nilang mag-usap ay dumiretso ako sa balcony sa second floor. Tumambay ulit ako para magpahangin at tumulala sa kawalan.
"Anong nangyayari sa iyo? Ang lalim ng mga mata mo lately." Sumulpot si Charlie sa aking gilid, seryoso makatingi
