Nakakahiya naman na makikita ako ni Rinniel kumain. Sumakto pa sa tanghalian ang naabutan niya. Laking pasasalamat ko dahil laging handa ang mga nagluluto sa amin.
Kunwari ay diet ako kaya panay salad lang ang pinagkukuha ko. Ayokong isipin niya na sobrang takaw ko. Si Mori na kilala niya ay hindi niya makikitang kakain nito para maisip niyang magkaiba talaga kami.
Kukuha pa sana ako ng maraming salad para hindi ako magutom, biglang may isang kamay na pumigil sa akin. Pagtingin ko ay nakahawak na si Rinniel sa aking palapulsuan.
Nagulat ako nang naglagay ng ibang pagkain si Rinniel sa aking plato. Binigyan ko siya ng isang pagtatakang tingin. Anong trip niya ngayon?
"Ang dami mo naman atang inilagay?" gulat na tanong ko.
Nilagyan na rin niya ng kanin ang aking plato. Ang gestures ni
