Chanel Morissette's POV
Tinulungan ko muna si Zenaia na ayusin ang kanyang mga gamit. Kilig na kilig pa rin siya na makakasama niya si Charlie.
Masaya ako na kahit papaano ay magkaiba na kami ng lalaking gusto. Boto ako sa kanya para sa kapatid ko at sana ganoon din siya kapag nalaman niya ang tungkol sa amin ni Rinniel.
"Grabe naman. Nakakahiya na panay kwento ako sa iyo tungkol kay Charlie, kapatid mo pala! Hay naku, sana hindi mo pa sinasabi sa kanya na gusto ko siya," wika ni Zenaia habang sinasabunutan ang sarili.
"Loka! Huwag kang mapraning, hindi niya iyon alam. Medyo obvious ka lang kanina kasi lagi kang natutulala sa kanya," natatawang sabi ko.
Totoo naman na halata nga siya. Hindi lang talaga assuming si Charlie at baka hindi pa siya handa na magkagusto muli sa iba. Pagkatap
