GOOD TO GO
ROSE
Tumagal ng halos dalawang linggo ang pananatili ko sa Contierra Medicals. Hindi ko alam kung bakit naging ganoon katagal pero ngayon ang mahalaga ay makakauwi na ako. Narito pa rin ang ama at ina pati na rin si Shin. Ihahatid kami ni Shin sa boarding house na tinutuluyan ko upang doon maituloy ang aking pagpapahinga.
Susunduin ng driver ni Shin sina ama at ina roon upang maihatid na rin pabalik sa Benguet. Hindi pa man sila nakakaalis ay parang nami-miss ko na sila. Parang gusto kong hihilingin na magtagal pa ang sakit ko para manatili sila rito, pero napakamakasarili niyon. Kailangan nilang umuwi dahil naroon ang ikinabubuhay namin. Isa pa, mag isa lang ang kapatid ko ngayon doon sa Benguet. Mga kapitbahay lang namin ang nagbabantay sa kanya doon. Kaya naman kailanga
