ISABELLA:
AKALA ko ay abutin lang ng isa o dalawang araw si Typhus sa pagluwas nito ng syudad. Pero isang linggo na ang nakalipas ay hindi pa rin ito bumabalik. At ang nakakainis ay hindi manlang ito tumatawag. Sa tuwing tinatangka ko siyang tawagan ay unattended ang cellphone number nito.
Kinakabahan na rin ako at iba na ang nagpaparamdam sa akin. Pilit ko lang pinapatatag ang sarili dahil ayokong maapektuhan ang pagbubuntis ko.
Nakumpirma kong buntis nga ako noong nakaraang linggo. Plano ko pa lang sanang sabihin kay Typhus pero nagkaroon naman ng emergency sa pamilya nito.
Mabuti na lang at kasama ko si Bhelle dito sa farm. Kahit paano ay hindi ako nababagot sa paghihintay ng pagbalik ni Typhus. Mas bumuti na rin ang lagay nito at nagkakalaman-laman na siya sa pananatili namin di
