Napakislot si Kimberly nang may mainit na palad ang pumatong sa kaniyang balikat. Bumilis ang t***k ng kaniyang puso nang malamang inakbayan siya ni Sam at tinabihan siya sa pag-upo sa buhanginan.
Tumikhim ito para kuhanin ang kaniyang atensiyon. "Mukhang malayo ang tingin ng sweetie ko, ah. Puwede ko bang malaman ang iniisip mo?"
Ilang sandali siyang tumitig sa binata. Gustong-gusto na niyang sabihin dito ang tunay na kalagayan. Ngunit alam ni Kimberly na hindi iyon makakatulong para pasayahin ang kanilang bakasyon, at ang nalalabi niyang panahon.
"Sobrang nagagandahan lang ako sa dagat," sa halip ay tugon ng dalaga. "Ang sarap pagmasdan. Nakakagaan ng pakiramdam."
"Hindi hamak na mas maganda ka pa diyan, Kim. O sa kahit anong bagay sa paligid..."
Napasinghap siya dahil sa napaka-sex
